2024 Op Tjak 1 oktober

Op Tjak met de vrienden van RTV Drenthe

Het is net oktober en we gaot op Tjak met de vrienden van RTV Drenthe. Het parkeren is goed verzörgd en met deur de taxidienst vanof de parkeerplaots zit um 9 uur het atrium, de centrale ruumte van de studio van RTV Drenthe, waor we weurden ontvangen met koffie en thee met wat lekkers, al aordig vol. Martin van der Veen, de eindredacteur van de umroep, verwelkomde oes en verklapte, per ongeluk, de bestemming van oeze tocht. Naodat de veurzitter van de vrienden oes ok verwelkomd har, kunnen wij vertrekken.

Um tien uur zat iederien in de bus met veurin oeze gids, oeze old veurzitter Roelof Koops. Hij leidde oes met veul tekst en oetleg via Hijken, Oranje, de Smildes, Diever, Vledder en alles wat daor tussen lig, hen Frederiksoord. Daor parkeerde de bus bij Museum de “Proefkolonie”, oeze hoofdbestemming van dizze dag.

As eerste kregen wij een film te zien over het ontstaon van de Maatschappij van Weldaodigheid. In 1818 kwam de sociaalbewogen Johannes van der Bosch met een groot plan um de armoede in oes land te bestrieden. Wat volgde kuj allemaol zien en heuren in het museum.

Hiernao kunnen wij genieten van een lekkere lunch met heerlijke soep, boerenstoet met  ham en kees en een kroket.

Nao de lunch kwam Op Tjak nog langs bij Op Tjak. Verslaggever Remco Wilkens was oes naoreisd en interviewde twee van oeze bestuursleden, Roel en Piet en iene van het museum.

Nao dit alles gungen wij in twee groepen het museum in. Het weur een leerzaome dag waor wij veul opdaon hebt. Daorbij hadden wij geluk dat wij ok het neie diel van het museum, dat nog niet officieel opend was kunnen bezuuken. Veulen kwamen tot de conclusie dat de tieden zich herhaolen.

Naodat iederien weer in de centrale ruumte ankommen was kunnen wij weer de bus in waor wij under begeleiding van een gids van het museum, een rondrit met veul uutleg, kregen deur Frederiksoord. We kwamen bij veul aole gebouwen langs zoas de aole schoel, de aole kerk, het aole postkantoor en de veule aole huusies waorin de méensen woonden en nog wonen. Bewondering was der veur de chauffeuse die oes met die grote bus deur nauwe straoties en krappe bochten leidde.

Nadat wij de de gids ofzet hadden bij het museum kunnen wij weer op Assen an. Roelof zat as gids weer veurin en waor as hij op de henweg nog wat vergeten was, bracht hij oes op terugweg nog weer met van alles op de hoogte. Naodat de veurzitter oeze chauffeuse en oeze gids in de bus bedankt har veur de mooie en veilige tocht en de veule uitleg kunnen wij in de studio nog genieten van een hapje en een drankje.

Rest mij nog de umroep te bedanken veur de understeuning. Zunder heur was dizze dag niet meuglijk west.

Piet Doek