Vriendenfietstocht, zaterdag 25 augustus 2018

Vrijdag 24 augustus meldt de weerman van RTV Drenthe dat het zaoterdagmörgen regent en dat der ‘s middags buien komt. Zestig dagen lang warm weer en weinig regen. Waorum mot het net dizze fietsdag slecht weer wezen.

Zaoterdagmögen um zes uur heur ik de regen tegen het zolderraam tikken. De hoop dat de weerman het toch verkeerd inschat had, is weg. Ik kan mien neisgierigheid niet bedwingen en um half zeuven stap ik oet berre um de buienradar te bekieken. Allemaol blauwe vlekken boven Nederlaand. Dat is niet best. Even later een app met de vraog of het wal deurgiet met dit weer. Dat mot wal, want alles is regeld en hoe bereik je de mèensen um te zeggen dat het niet deurgiet.

Aj richting Barger-Compascuüm riedt, dan lek alles zo nat en grauw en gries en dan denk je an veurig jaor toen het weer ok slecht was en der nog gien dattig dielnimmers waren. Gewoonlijk komt der meer as 100 fietsers, maor aj nou ies de helft hebt, dan mag je al bliede wezen. Um 11 uur hadden toch 49 dappere meènsen zuch meld. Toen de eerste fietsers der vandeur gungen, kwam zölfs de zun der of en toe even deur. Buienradar weur underweg goed in de gaten holden. Soms wachtte men even bij een stempelpost um de bui zien wark te laoten doen, of men fietste even wat sneller um een ofdakkie op te zuken. Toch hadden de miesten niet echt last had van de regen, maor gewoon geneuten van de dag.

Een paar reacties van dielnimmers:

  • ”As ‘t regent, dan doet we oeze cape an en blieft we staon, niet fietsen, want dan word je nat.”
  • “Zölf gaot we niet zo gauw fietsen in het veengebied, maor het was prachtig.”
  • “Ik fiets veul, maor wol ies een keer wat aans dan deur de bossen en over de hei. Het was hier hiel mooi, ondanks de regen.”
  • “Het was een schitterende dag. Bedankt hierveur en tot volgend jaor.”

Nog ongeveer twintig fietsers deden met an een buffet nao ofloop. Um zeuven uur was iederien op hoes an. Sommigen met een pries, want die hadden de opdrachten underweg het beste daon.

Bekijk de foto's