Optreden Harm en Roelof, zaterdag 24 maart 2018

Ondanks het feit dat Harm en Roelof al tientallen jaoren samen optreedt, trekt ze nog altied veul publiek. De zaal in het Wilhelmina Zalencentrum in Beilen was op 24 meert hielemaol vol. 250 leden en niet leden geneuten van hun optreden. Nao ofloop vruug ik mèensen in de zaal wat ze der van vunden:

  • “Geweldig, veural die taol die ze spreekt vind ik zo mooi. Ik vind dit het echte Drèents.”
  • “Wij kent ze wal, want ze gaot vaker naor ze toe. We vindt ze eigenlijk altied mooi. Die stem van Roelof is zo prachtig, veural as hij zingt.”
  • “Ik geniet veural van die liedties in de Drèentse taol.”
  • “Ik spreek zelf geen Drents, maar die taal vind ik zo prachtig. Daarom ben ik hier ook heengegaan.”
  • “Wij ziet ze wal vaker. Het giet bij hen allemaol zo gemakkelijk, zo ontspannen.”

Bekijk de foto's

Ik vruug Harm hoe die het optreden beleefd had. “Volgens mij gung het wal goed. Het was een heerlijke aovend. Het was een plezeer um veur zoveul mèensen te muggen optreden.” Ik zee hum dat het publiek veural de taol die jullie spreekt zo mooi vund. Harm: “Die Drèentse taol daor kuj zoveul met doen. Veul meer dan een hieleboel mèensen in de gaten hebt.”

Nao de verloting, die um elf uur oflopen was, trökken de mieste bezoekers weer op hoes an.

De volgende activiteiten: nao de ledenbijienkomst op 24 mei, hebt we op zaoterdag 25 augustus oeze jaorlijkse fietstocht vanoet het Veenpark in Barger-Compascuüm en op 10 november treedt Intermezzo Vocaal Ensemble Friesland op in Westerbork. T.z.t nadere gegevens hierover.