Fietstocht - Activiteiten

Info over de activiteit

Reserveren tot:09/09/2017 11:00
Activiteit is op:09/09/2017 11:00
Eindigt op:09/09/2017 17:00

Description

Veurdaj gaot fietsen, kuj Leonie van der Werf en Harm Dijkstra an het wark zien. Tussen 10 en 12 uur vindt vanof dizze locatie namelijk ok de oetzending van Hemmeltied plaots. De inschrieving veur de tocht is vanof 10 uur en nao 11 uur kuj starten. Je mugt (graag zölfs) ok de hiele oetzending kieken en lustern. As Hemmeltied deur Harm of Leonie ofsleuten wordt, hej nog tied zat um vot te gaon, want de route is iets körter as aandere jaoren.

Je fietst nao de start al rap het Nationale Park Dwingelerveld in. Je vindt hier het grootste aniengesleuten natte heidegebied van West-Europa. Der bint maor liefst 2 schaopskuddes met herder, die de heide in conditie holden. Aj de heide verlaoten hebt, ried je richting Rune (Ruinen). Underweg kom je het bezoekerscentrum Dwingelerveld tegen. Fiets der even hen um te kieken wat der allemaol meuglijk is.

Via Rune fiets je richting Gijsselte, langs het hoes van de veurgangster van Leonie van der Werf: Hennie Kuijer. We stopt even bij De Luie Tuinman. Via bossen en essen, waor de oogst in volle gang is, ried je weer het Nationale Park in. Naor hiel wat schiere natuur te hebben zien, koj bij het ‘Informatiecentrum Spier’. Hier kuj nog even koffie drinken of wat aans aj dörst hebt en dan gaoj via Lheebroek weer terug naor Lhee. We verwacht je daor oeterlijk half vief. Daornao worden de vraogen even deurlopen, die je underweg kunt beantwoorden. Um vief uur kuj veur een vriendepries metdoen an een buffet in ‘De Borken’.

Aj terug in hoes bent, dan kuj hopelijk vertellen dat Drenthe hiel wat mooie natuurgebieden hef. Kiek en geniet dus eerst even van Hemmeltied en gao dan fietsen. Nim de hiele familie en de buurt maor met. As het mooi weer is, hej vast in alle opzichten een zunnige dag.

Kosten leden: € 5,00 en niet-leden: €7,50 incl. kop koffie of thee.