Optreden De Traan, zaterdag 4 november 2017

Op 4 november jl. trad De Traan op veur de Vrienden van RTV Drenthe en aandere belangstellenden bij Meursinge in Westerbörk. Twintig jaor leden opricht as koor en nou een entertainmentgroep under leiding van Jans Polling. Toen we in de veurige Vriendenpraot het optreden ankondigden, meldden we under andere dat je "De Traan metmaakt mus hebben, al was het maor iens in je leven." Ook zeden we "De Traan is een ware happening". En zo was het precies. De dik tweehonderd bezukers zult dit nao ofloop kunnen beamen.

Een paar reacties oet de zaal:

  1. "Het was hiel mooi. Der gebeurt aal wat aans tiedens het optreden. Wat ik ok mooi vind is het olde Drèents van Jans Polling. Hij gebroekt nog woorden die je niet veul meer heurt. Daor hold ik wel van"
  2. "Ik woon niet meer in Drenthe en heb een eind moeten rieden um hier te kommen, maor heb der gien spiet van. Het was biezunder mooi."
  3. "Ik heb zölf in een Shantykoor zungen en ben lèest naor het festival in Emmen wèest. Het was allemaol hetzölfde. Dit lek der wel wat op, maor het is zeker gien Shantykoor, het is hiel aans. Dit is veul mooier."
  4. "Ik had dit koor al jaoren leden in Amen zien. Toen vund ik het al mooi, maor ze bent nou nog veul beter worden. Geweldig."
  5. "Het was volop genieten, niet allent het koor, maar ok het muzikale gebeuren was een lust veur het oog en een streling veur het oor."

Bekijk de foto's